Fondo Europeo de Desarrollo Regional (FEDER)

UNHA MANEIRA DE FACER EUROPA

Liña de actuación 01

MODERNIZACIÓN DA ADMINISTRACIÓN ELECTRÓNICA E DOS SERVIZOS PÚBLICOS A TRAVÉS DAS TIC

NECESIDADES

Esta liña de actuación busca a implantación da Administración electrónica, establecendo as ferramentas necesarias para garantir que a vía electrónica sexa a vía xeral de relación entre o cidadán e a Administración do concello de Lalín. Para iso, actuamos transversalmente para:

Establecer servizos de interacción cos cidadáns e empresas na xestión daqueles expedientes nos que figuren como interesados.
Axilizar os procesos de recadación mediante mecanismos facilitadores de natureza electrónica postos a disposición do cidadán.
Garantir a seguridade e a axilidade no proceso administrativo mediante ferramentas tales coma tarxetas criptográficas ou portasinaturas.
Facilitar á cidadanía un acceso rápido e transparente á información municipal mediante a implantación de novas ferramentas tecnolóxicas, tanto con fins informativos como para facilitar a interacción e as demandas cidadás coa Administración Local.

OBXECTIVOS

Esta liña de actuación promove a integración das TIC na mellora da prestación dos servizos públicos e na relación coa cidadanía para conseguir:

Achegar os servizos públicos ás demandas reais da cidadanía, mediante a mellora da sede electrónica e a posta en marcha doutras ferramentas que faciliten a interacción electrónica entre cidadáns e empresas coa Administración Local.
Mellora da eficacia e da eficiencia dos procesos de traballo internos e tamén da súa seguridade, mediante a dotación de ferramentas como portasinaturas ou tarxetas criptográficas.
Optimización na utilización dos recursos públicos para a planificación, xestión e avaliación de resultados.
Implantar ferramentas multicanle (quioscos electrónicos) que faciliten os trámites que os cidadáns realizan ante a Administración, así como a súa transparencia, mellorando o acceso á información administrativa.

RESULTADOS

Simplificación dos procesos administrativos.
Aumento da eficiencia na xestión administrativa.
Mellora da transparencia, da accesibilidade e da proximidade da Administración coa cidadanía de Lalín.
Mellora da axilidade nos procedementos de tramitación.